DAVAO CITY – Hingpit na karon nga gilagdaan sa lokal nga kagamhanan sa Mati ug Southern Philippines Medical Center (SPMC) ang memorandum of agreement (MOA) nga tumong ang paghatag ug libre nga assistance sa mga residente sa Mati City nga maka-pahimulos sa surgery sa hospital.
Unod sa kasabutan nga ang pasyente nga gi-rekomenda nga mupailalom sa thyroid surgeries ang inisyal nga beneficiaries sa programa.
Sumala sa City Information Office (CIO), ang Department of Surgery sa SPMC, kaabag ang Mati LGU ang muhatag sa kinatibuk-ang policy framework nga ipatuman.
Sakop sab sa MOA ang aftercare services sa Mati City Health Office (CHO) ug SPMC kalabot sa recovery sa pasyente.
Apan usa sumala pa sa mga rekisitos mao ang pag required nga magpa-miyembro sa Philippine Health Insurance Corporation (PhilHealth) sanglit kini ang mag-cover sa initial cost sa surgery.
Samtang ang nahibilin nga kantidad nga dili sakop sa PhilHealth ang abagahon sa Mati LGU pinaagi Medical Assistance Program.
Subay sa report, magpagula ug listahan sa mga pasyente nga i-refer sa SPMC sa higayon nga matapos na nag pasyente sa initial assessment sa SPMC ug Davao Oriental Provincial Medical Hospital.
Ginakayong ang Mati residents nga kinahanglan ug thyroid surgery ang dad-on sa SPMC sa Davao City pinaagi sa emergency medical services transport.
Gikanayong palapdan pa ang nahisgutan nga programa sa umaabot pa nga panahon arun nga matabangan ang mga residente sa lalawigan.
