DAVAO CITY – Walay gikatala ang City Health Office nga maternal death sa dakbayan sa Dabaw alang sa first quarter sa tuig 2022, dili sama sa susamang panahon niadtong nakalabay nga tuig 2021 nga adunay na-record nga 4 ka mga patay.
Kini ang resulta sa mas gipahugtan nga safe motherhood program sa lokal nga kagamhanan nga dako ug natabang sa pakigbatok sa maka-alarma nga kaso niadtong milabay nga tuig.
Gikanayon ni Dr. Julinda Acosta, Head of the Technical Division of the Davao City Health Office, nga ang mas gipalig-ong maternal health program sa syudad nga nagtanyag ug libre nga prenatal, safe delivery, ug post-partum services—are ang accessible alang sa tanang mga manganakay bisan na niadtong mga wala mabakunahan btok covid 19.
Ang free maternal health services ang gilangkuban sa prenatal consultations, basic laboratory tests sama sa hemoglobin test, simple urinalysis, ug STI screening, dental care, birth planning, ug post-partum care.
Gawas sa paghatag ug libre nga medical health services, ang mas gipalig-on nga safemotherhood sa CHO ang naglakip usab sa socio-cultural approach nga nagtumong aron ma-usab ang kianiya s amga Dabawenyo labot sa family planning ug maternal health pinaagi sa panawagan alang sa mas aktibong pagsalmot sa mga bana o sa mga mamahimong amahan sa pagbuntis sa ilang mga asawa.
Gidasig usab sa CHO ang mga babayeng buntis nga mas pilion nga manganak sa ospital o mga facility based-delivery kaysa sa balay lamang. Kini aron masiguro nga mahatag ngadto sa mga inahan ang tukma nga medical care atol ug pagka human sa ilang pagpanganak.
Gidapit usab ni Acosta ang mga manganakay nga pahimuslan ang maternal health program sa syudad aron makadawat kini ug insaktong prenatal care ug motherhood services.
