DAVAO CITY – Magpahigayon karung adlawa ug mass oath-taking ang PDP-Laban party dinhi sa siyudad alang sa mga bag-ong recruit nga mga miyembro niini susama sa mga partisan activities nga una ng gipahigayon sa Compostela Valley Province ug Davao del Norte pipila ka semana na ang milabay.
Ang nahisgutan nga pagpanumpa tipik lamang human ang bag-ohay lamang nga pagtabok ug partido ni Rep. Karlo Alexei Nograles,Davao City first district congressman ug chair sa House Committee on Appropriations, diin mismong kang Pangulong Rodrigo Duterte kini nanumpa atol sa iyang adlaw nga natawhan kaniadtong milabay nga sabado.
Subay sa impormasyon, sagad sumala pa mosalmut sa mass oath-taking mao ang mga Barangay Kapitan dinhi sa siyudad. Kadaghanan matud pa sa mga nahisgutan mao ang mga opisyal sa usa ka Barangay nga kalakip pa gihapon sa drug watch list sa Philippine Drugs Enforcement Agency (PDEA).
Gawas kang Nograles, laoman sab nga makighiusa sa aktibidad si Santa Cruz, Davao del Sur, municipal councilor Jose Nelson ‘Tata’ Sala, ug presidente sa Philippine Councilors’ League (PCL) in Mindanao.
Nasayran nga kaniadtong milabay nga 2016 nga eleksiyon human ang iyang pagbalhin ug pinuy-anan, nanguna matud pa si Sala sa Council slate sa lungsod sa Santa Cruz, Davao del Sur.
