DAVAO CITY – Nagkadaiyang sector ning dakbayan sa Davao ang mituo nga mapatuman ang federal system nga gobyerno sa nasud sa mosunod nga mga tuig.
Kini human nga gi-asikaso na ang pag-amyenda sa 1987 Constitution nga gipangunahan sa House Committee on Constitutional Amendments.
Kahinumduman nga mibisita dinhi sa dakbayan kaniadtong milabay nga semana ang komite alang sa one-day Mindanao leg “Public Consultation on Constitutional Reform” nga gipahigayon sa Barrio Obrero campus sa University of Southeastern Philippines.
Matud pa kang Emmanuel Cifra, kanhi pari ug empleyado sa San Lorenzo Foundation, kinahanglan nga amyendahan gilayon ang kasamtangang constitution aron nga mapatuman sa hinanali nga panahon ang federal set-up sa nasud.
Mas maayo sumala pa nga ipahigayon kini pinaagi sa usa ka constitutional convention.
