DAVAO CITY – Mipakita ug suporta ang mga Barangay officials ning dakbayan sa Davao nga pahugtan pa ang pagpatuman sa anti-smoking ordinance sa siyudad.
Kahinumduman nga bulan sa Abril, gikatakda sumala pa nga ipagula ang executive order diin sakop niini ang Vices regulation unit nga motutok sa hugot nga pagpatuman sa liquor ug smoking ordinance sa siyudad.
Matud pa kang Mayor’s representative to the anti-smoking Task Force Voltaire Ingracia, dakong tabang sab kung hugtanon nga ipatuman sa mga opisyal sa Barangay ang maong ordinansa ilabi na nga ang mga nahisgutan ang nagdumala sa ilang komunidad.
Mamahimong kaabag sumala pa sa kapulisan sa pagpatuman niini ang mga Barangay tanod. Nasayran nga kaniadtong milabay nga 2016, nakasikop ang anti smoking task force unit ug 3,343 ka mga malapason sa ordinansa diin kadaghanan niini ang mibayad lamang ug penalty ug wala na napasakan ug kaso.
