DAVAO CITY – Gipatuman ang hugot nga seguridad sa mga utlanan nga bahin sa dakbayan ilabi na kadtong gikan sa kasikbit nga lugar human sa sunod-sunod nga nahitabong pagbusikad sa Rehiyon 12. Kahinumduanm gipabuthan ang Yellow Bus Line (YBL) samtang naglawig kini sa nahisgutan nga lugar ug ang pagbusikad nga natala sa Tacurong City kagahapon. Gilusad ang hugot nga inspeksyon sa mga sakyanan nga musulod sa dakbayan sa Davao lakip na ang pahinante ingon man sa uban nga area sa dakbayan nga adunay gimuntar nga mga checkpoint nga dunay mga himan sama sa x-ray scanner.
Nagpadayun usab gipakatag ang mobile, foot, ug motorcyce patrol sa sentrong bahin ug uban pang dapit sa dakbayan aron lang masiguro ang kaluwasan sa tanang katawhan, samtang ginamonitr sa TF Davao ang kalumbuan o unsa unsa mang panghitabo sa Central Mindanao sa pakig-alayon sa intel communities.
Tumong sa maong kalihokan, nga dili makasulod dinhi sa siyudad ang bisan kinsa makahatag og kadaot ilabi na nga dili na sab bag-o ang susama nga mga insidente sa dakbayan sa milabay nga mga katuig.
Kahinuduman nga gipatuman sa dakbayan ang ang “Culture of Security” o kung may nakita dapat magsalita, ingon man ang ginapahigayon nga simulation exercises batok terorismo sa milabay nga mga bulan kini arun nga kanunay igmat ug andam ang dakbayan sa susama nga mga insidente.
Gipakatag sab karun ang mga sakop sa kapulisan pinaagi sa pagpatrolya sa mga lugar ilabi na kadtong sagad dagsaon sa mga katawhan.
