Giduso sa Pilipinas ang pagpalig-on ug pagpalapad sa kooperasyon sa mga nasod sa Europa nga myembro sa North Atlantic Treaty Organization (NATO) sa aspeto sa militar ug depensa.
Kini ang gipanghisgutan ni DND Sec. Gilberto Teodoro Jr. ug ni Admiral Giuseppe Cavo Dragone sa sidelines sa 2026 Defence and Strategy Forum sa Paris, Paris.
Gibutyag ni Sec. Teodoro ang kabahin sa panginahanglan alang sa mas lapad nga koneksyon sa mga nasod ilabi na taliwala sa mga global nga hagit sa seguridad ug kalig-on.
Gipahibalo usab niini ang papel sa Pilipinas sa pag-ambit og kahibalo ug kapasidad sa mga nasod sa Europa ug mga kauban sa NATO aron mapalig-on ang katakos ug maprotektahan ang kahimtang ug katungod sa mga Pilipino bisan asa sa kalibutan.
Gipasalig sa NATO ang ilahang tinguha nga padayonon ang kooperasyon sa Pilipinas ug gibutyag nga kritikal ang pagbinayloay sa impormasyon aron masumpo ang bisan unsang hulga sa kasamtangang international order.
