DAVAO CITY – Mas gipakusgan pa karon sa Department of Environment and Natural Resources (DENR) ang ilang monitoring ingon man pagpanakop sa illegal logging operations nga muhatod ug kadaut sa kinaiyahan.
Kahinudmoman nga mibahad ug mimando si Environment Secretary Gina Lopez nga muhimo ug dinalian nga aksyon sa pagpakgang sa illegal-logging.
Gibaharan niini ang mga opisyal sa DENR regional kinsa mitugot sa maong binuhatan.
Samtang gimanduan na usab ni DENR regional director Ruth Tawantawan, ang tanang Provincial Environment and Natural Resources Office (Penro) ug City Environment and Natural Resources Office (Cenro) nga palapdan ang pagbantay aron nga malikayan kini nga mahitabo.
Ang pagpamutol sa mga kahoy sa kalasangan labi na kadtong mga hardwood ang ginadili ug pagasilotan ubos sa Presidential Decree 705 o the Forestry Reform Code of the Philippines.
