Mas dakong rollback o pagkunhod sa presyo sa mga produktong petrolyo ang gilauman sa sunod nga semana

Gianunsiyo ni Pangulong Ferdinand Marcos Jr. ang mas dako nga rollback o pagkunhod sa presyo sa mga produktong petrolyo sa sunod nga semana.

Sa iyang uploaded video sa FB account, gipahibalo sa Pangulo nga gilauman ang ₱24.94 kada litro nga bawas sa diesel, ₱3.41 kada litro sa gasolina, ug ₱2.00 kada litro sa kerosene.Nangayo usab ang Pangulo sa mga oil companies nga ipatuman sa husto, kompleto, ug walay kalangan ang maong rollback sa presyo sa lana.

Dugang pa niini, giawhag niya ang publiko nga i-report sa iyang opisina ug sa Department of Energy ang bisan unsang reklamo batok sa mga kompanya nga molapas sa umiiral nga oil pricing rules.