DAVAO CITY – Gitino sa Davao City Investment and Promotion Center (DCIPC) nga walay negatibo nga feedbacks gikan sa mga miyembro sa business sector human nga gipagula sa lokal nga panggamhanan ang 30 guidelines alang sa mga nanag-iya ug negosyo dungan sa deklarasyon sa Martial Law.
Matud pa kang DCIPC head Lemuel Ortonio sagad sa mga business proprietors sa siyudad ang mituman sa gipagula nga protocols, ilabi na ang pagpatuman ug seguridad alang sa kaayohan sa ilan mga konsumante ug mga ginsakpan.
Dugang ni Ortonio nga sagad sumala pa sa mga business establishments sa siyudad ang mihatag ug emergency plans pinasikad sa nakalatid sa gipagula nga mga sumbanan sa lokal nga panggamhanan.
Samtang gibutyag sab sa opisyal nga aduna nay pipila ka mga local ug foreign business ang nagpahibalo sa ilang schedules sa pag-abot dinhi sa dakbayan sugod kaniadtong milabay nga semaha ug sa mosunod nga mga adlaw.
Naglaom na lamang ang DCIPC ug Department of Tourism nga mabalik na ang investments ug business activities sa dakbayan ilabi na kung matapos na ang martial law ug krisis sa pipila ka bahin sa Mindanao.
