DAVAO CITY – Wala sumala pay krimen nga natala sa dakbayan atol sa unang adlaw sa pagpatuman sa martial law dinhi sa Mindanao niining milabay nga adlaw.
Matud pa kang Davao City Police Office (DCPO) spokesperson Ma. Teresita Gaspan nga dihang gideklara ang balaud militar, nahimong limitado na matud pa ang gihimong aktibidad sa mga Dabawenyos.
Apan ayha sumala pa ang deklarasyon, nakatala ang DCPO ug kinatibuk-ang 3,581 ka kaso sukad pagsulod sa 2017 hangtud na sa Mayo 21. Gilangkuban kini sa murder, homicide, physical injury, rape, robbery, theft, ug carnapping.
Gitino ni Gaspan nga padayon karon ang otoridad sa pagpatuman sa high alert human ang deklarasyon sa martial law aron nga dili makapahimulos ang mga dautang elemento.
Kahinumduman nga sakop sa gipagulang guidelines ni Mayor Sara Duterte mao ang paghangyo niini nga limitahan ang mga aktibidad sa mga Dabawenyos, turista ug balay pamatigayon diin kinahanglan motamud kini kung adunay ipatuman nga balaud.
