DAVAO CITY – Makatabang sumala pa ang pagpatuman sa Martial law sa daghanan nga mga proyekto nga ipatuman sa Isla sa Mindanao.
Kini ang gihatagan ug katin-awan ni House Speaker Pantaleon Alvarez, kinsa namahayag nga nalimitahan ang lihok sa mga dautang tawo atol sa saisenta ka adlaw nga martial law.
Bout ni Alvarez nga kutob sa tuig 2022 ang pagpatuman sa martial law aron nga dili mabalda sa mga dautang tawo ang mga ipatuman nga mga proyekto sa Mindanao.
Subling gipasabot ni Alvarez nga tukma lamang ang gihimo nga pagpatuman ni Pangulong Rodrigo Duterte sa Martial law gumikan kay ang mga gikan sa war zone sa Marawi City miikyas padulong ngadto sa uban nga mga lalawigan ug dakbayan hinongdan nga dali na lamang ang pagdakop kanila gumikan sa Matial law.
Samtang dili sumala pa gikan sa panudlanan sa kagamhanan ang hinabang nga natigum sa kongreso nga alang sa mga bakwit sa Marawi.
Sumala pa kang House Speaker Pantaleon Alvarez nga personal nga pundo ang ilang gitunol aron nga matigum ang hinabang alang sa mga taga-dakbayan sa Marawi.
