DAVAO CITY – Gibasol ni Konsehal Diosdado Mahipus ang Marine vessels ug kadtong mga nanimuyo daplin sa baybayon ang suliran sa basura sa Davao gulf.
Sumala sa opisyal nga ang mga Cruise ships ug inter-island vessels ang sagad sab nga nagalabay ug basura sa mga baybayon nga maoy hinungdan sa kamatayon sa mga dagkong isda sama sa mga balyena.
Una na matud pa nga napalabang sa konseho ang pagdili sa paglabay ug basura sa kadagatan partikular na kadtong mga baybayon nga sakop sa siyudad.
Bisan tuod nga naningkamot ang siyudad sa pagprotekta sa water resources sa dakbayan apan pipila sumala pa sa mga law enforcement agencies ang wala nagpatuman niini.
Tungod niini, nanawagan si Mahipus ug mas istrikto nga pagpatuman sa balaod kalabot sa paglabay ug mga basura sa Davao gulf. Samtang uyon sab ang opisyal nga ibalhin ang mga informal settlers nga layo sa mga kadagatan gumikan dako ang natampo sa mga nahisgutan sa gilabay nga mga basura sa mga kadagatan.
