Marijuana giisip ni Trump nga “less dangerous drug” sa US

Gipirmahan ni US President Donald Trump ang usa ka executive order nga nagtumong sa pag-reclassify sa marijuana ingon nga “less dangerous drug.”

Ang maong lakang naghatag og kahigayonan alang sa mas daghang medikal nga pagtuon sa paggamit sa cannabis ug makatabang sa pagdiskobre sa ubang posibleng benepisyo niini sa kahimsog sa panglawas.

Sumala ni Trump, daghan na ang mga tawo nga nanawagan kaniya alang niini, ilabi na kadtong nag-antos sa grabe nga sakit.

Bisan pa man niini, giklaro usab sa Pangulo nga ang re-classification wala nagpasabot nga legal na ang paggamit sa marijuana sa nasud.

Adunay hugot gihapon nga pagmonitor ug mga pulisya aron dili kini maabuso sa ubang tawo.