Padayon ang pagmonitor sa World Health Organization (WHO) sa bag-ong mga taho sa pagkaylap sa Marburg Virus Disease (MVD) sa United Republic of Tanzania.
Nasayran nga sukad nga gideklarar ang outbreak sa maong virus kaniadtong Enero 20, ning tuiga, usa ka dugang ang kumpirmado nga namatay ang gitaho sa Ministry of Health gikan sa epicenter sa outbreak sa sakit sa Biharamulo district sa Kagera region.
Sa ulahi nga datos nga natala, adunay kinatibok-ang duha ang nakumpirma nga mga kaso ug walo ka posible nga impeksyon ang gitaho sa ilang ahensya.
Una niini, ang tanang 10 ka mga kaso ang namatay, lakip ang walo nga namatay sa wala pa makumpirmar ang pagkaylap sa sakit.
Subay niini, ang Ministry of Health naghimo og usa ka nasudnong plano sa pagtubag aron sa paggiya sa mga kalihokan.
Dugang pa niini, nga usa ka national rapid response team ang gipakatap sa apektado nga rehiyon aron mapauswag ang imbestigasyon ug pagtubag sa pagkaylap sa sakit, nga adunay suporta sa teknikal ug operasyon gikan sa WHO ug mga kauban sa kahimsog.
