DAVAO CITY – Mapagula na karong Hwebes, Septembre 21 sa Land Transportation Office (LTO) Davao ang driver’s license card nga mamahimong balido sulod sa lima ka mga katuigan ug dunay hugtanon nga security features.
Tumong niini nga dili makalusot ang mga peke nga mga driver’s license.
Sa pikan nga bahin gitugtan na sa LTO sa rehiyon ang pagmugna ug customized license plate samtang pendeng pa ang pagpagula sa orihinal nga plaka.
Nasayran gikan kang LTO Davao Director Atty. Gomer Dy nga gihatagan nila ug konsiderasyon ang mga nanag-iya ug mga sakyanan nga mo-desenyo sa ilang kaugalingon nga plaka, gumikan kay wala pa’y ikahatag ang kagamhanan.
Kini human nga nalangan kini nga mga proyekto gumikan sa pipila ka mga rason.
Dugang ni Dy nga kung duna na’y ikapagula nga plaka ang LTO sugdan na sab nila ang pagpanakop sa mga sakyanan nga dunay customized nga mga plaka bisan pa kung rehistrado kini sa ilang ahensya.
