Mi-commit ang mga manufacturer sa basic necessities ug prime commodities (BNPCs) ngadto sa Department of Trade and Industry (DTI) nga dili sila magpataas sa presyo sulod sa mosunod nga 30 hangtod 60 ka adlaw.
Lakip sa mga produktong dili usbon nga presyo mao ang canned sardines, tinapay, instant noodles, kape, sabon, ug kandila aron maibsan ang epekto sa pagsaka sa presyo sa petrolyo.
Tungod niini, magpadayon ang 21 ka manufacturers sa pagmintinar sa kasamtangang Suggested Retail Price (SRP) sa mga nag-unang baligya ug commodities.
Sumala kang DTI Secretary Cristina Roque, tumong niini ang pagpanalipod sa mga konsumante samtang nagkausab-usab ang presyo sa mga produktong petrolyo.
Nagpasidaan usab ang DTI batok sa hoarding ug dili makatarungang pagsaka sa presyo, ug gi-awhag ang publiko nga i-report kini ngadto sa ahensya.
