Mipasalig si Buboy Fernandez nga aduna gihapon knockout power si Filipino boxing icon Manny Pacquiao.
Matod pa sa longtime trainer, nga sayon lamang alang kang Pacquiao nga mapatumba si Mario Barrios sulod sa ikatulong round.
Nakita sab ni Fernandez sa mga pagbansay ang kahimtang ni Pacquiao karon lakip na ang kusog, kapaspas, ug pipila ka sekreto nga lihok nga iyahang ipakita sa sulod sa boxing ring.
Sigurado sab siya nga maglisod si Barrios, nga kasamtangang World Boxing Council welterweight champion, batok sa kasinatian ug abilidad ni Pacquiao.
Dili importante ang pag-ihap sa edad nga 46 anyos nga si Pacquiao kun dili, mas angay nga mamahimong ihapon ang iyahang mga kusog nga kumo.
Gitandi ni Fernandez ang maong duwa sa nahitabo kaniadto ni Pacquiao batok kang Oscar Dela Hoya niadtong tuig 2008.
Kahibaloang si Pacquiao adunay 62 ka kadaugan, 8 ka kapildihan, ug 2 ka draw diin 39 niini mao ang mga knockouts; samtang ang 30-anyos nga American boxer nga si Barrios adunay 29 ka kadaugan, 2 ka kapildihan, ug 1 ka draw nga adunay 18 knockouts.
