Manny Pacqiao adunay gustong pamatud-an hinungdan nga mobalik sa boxing

Gibaliwala lamang ni Pinoy boxing icon Manny Pacquiao ang mga batikos nga nagaingon nga wala na siyay ikapakita sa boxing. Kini nahitabo samtang nagandam kini alang sa iyang subling pagbalik sa ring sa Hulyo 19 batok kang Mario Barrios alang sa WBC welterweight belt sa Las Vegas.

Gipasabot niini nga iyang pabilibon ang mga kritiko sa adlaw sa iyang sangka. Nasayran nga kini ang iyang unang professional fight sukad nga napildi siya ni Yordenis Ugas gikan sa Cuba niadtong 2021. Giinsistir sa 46-anyos nga si Pacquiao nga dili lamang siya nagasangka alang sa iyahang kaugalingon, kundili alang usab sa nasud.

Buot niini nga ipakita sa tibuok kalibutan nga ang mga Filipino dili mo-surrender bisan unsa pa ang hagit nga atubangon sa kaugalingon.