DAVAO CITY – Nakaikyas ang usa ka mananagat sa dihang nagpahigayon og operasyon batok Illegal Fishing ang mga sakop sa Braulio E. Dujali Municipal Police Station didto sa Purok 1, Brgy Tanglaw, Braulio E. Dujali, Davao del Norte kagahapon sa hapon.
Nakumpiska sa kapulisan ang mga gamit sa pagpanagat sama sa electric fishing Rod ug lima ka tilapya nga gisulod sa sudlanan.
Padayon gihapon ang pagpangita sa maong mananagat nga siguradong mag-atubang gayud og kaso.
Samtang hingpit sab nga ginapanawagan ngadto sa tanang katawhan nga likayan ang maong buhat gumikan dako usab nga kadaot ang posibleng hatud niini sa mga isda o sa mga similya sa isda.
Mag-atubang og kaso ilalom sa PD 534 ug adunay taas nga silot nga ipahamtang sa bisan si kinsa mang madakpan o makalapas niini.
VIA || Bombo LJ Florendo
