DAVAO CITY – Anaa na sa maayong kahimtang ang usa ka mananagat human kini malampuson nga naluwas sa mga nagpatrolya nga otoridad kagahapon sa Brgy. Tiblawan, Governor Generoso Davao Oriental.
Naila lamang ang nahisgutan nga si alyas ‘Dodong Gamay’ Bualan, 30 anyos, residente sa Brgy. Don A Chicote sakop sa nahisgutan nga lalawigan.
Nasayran nga sige na ug pangayo ug pakitabang ang nahisgutan human nga nabuslot ang iyang bangka dihang gibanggaan sumala pa kini ug dakung isda.
Gikanayong naatol nga nagpatrolya ang mga kapulisan hinungdan nga nakapangayo ug pakitabang ug wala hingpit nga naunlod ang bangka niini.
Dali sab nga giguyod sa kapulisan ang bangka niini gikan Brgy Tiblawan paingon sa Brgy Don A Chicote.
Nagpadayag sa iyang dakong pagpasalamat si alyas Dodong ingon man sa mga sakop sa Bantay-Dagat sa Brgy Manuel Roxas gumikan kay malampuson siya nga naluwas. Nakauli na sab ang nahisgutan ngadto sa iyang pamilya.
