DAVAO CITY – Gikasohan na ang managtrato nga suspek sa pagpatay sa tag-iya ug sakyanan ug sa pagcarnap sa sakyanan niin.
Nasayran nga nadakpan na sa mga tinugyanan sa balaod ang suspek sa pag-carnap ug sakyanan ug pagpatay sa tag-iya niini sa Hizon, ning dakbayan sa Davao niadtong Hunyo 29.
Nasayran gikan sa dinakpan, usa ka alyas Shiela nga self-defense ang nahitabo gumikan kay naghubo sa iyang atubangan ang biktima Eduardo Tan, sulod sa pinoy-anan niini ug gitionan niini ug armas, apan nailog sa suspek ug napaboto punting sa dughan sa biktima.
Saysay sa suspek nga human niini napusilan si Tan gitawagan niini ang iyang hinigugma nga si Melvin nga sakop sa Special GAFGU Auxillary sa Task Force Davao.
Gidakop sab si Melvin gumikan kay nakuha sa posisyon niini ang carnap nga sakyanan.
Kalakip sa nakuha sa CIDG ug Sasa Police ang 9MM nga armas, pass book ug checkbook, ug cellphone sa biktima.
Natiktikan sa kapolisan ang mga suspek human nga nakita nga gigamit niini ang usa ka pick-up sa R. Castillo niadtong Hunyo 23 sa buntag ug sa Angliongto St. sa pagkahapon.
Ang mga dinakpan nag-atubang na ug kaso nga pagsupak sa Republic Act 10591 nga illegal possession of firearms and ammunitions.
Gihikay na sab sa kapolisan ang pagpasaka ug kasong homicicde batok kang Shiela, Samtang nasuta sa kapolisan nga niadtong Hunyo 8 nagpatala ang biktimang si Tan batok kang Shiena nga gipasanginlan niini nga nangawat ug kwarta ug tseke ngadto sa biktima.
