DAVAO CITY – Gipailalom sugod kagahapong adlawa ang munisipalidad sa Malita Davao Occidental sa modified enhanced community quarantine (MECQ) sugod sa Setyembre 22 hangtud Oktubre 2, 2021.
Gikanayong nagpagula si Mayor Bradly Bautista ug Executive Order No. 17 alang sa pagpatuman sa MECQ sa nahisgutan nga lalawigan kini tungod pa gihapon kini sa padayon nga pagsaka sa mga natakdan ug COVID-19 cases ug anaa sa siyam ang mga natakdan sa bag-o nga variant sa kasikbit niini nga munipalidad nga Sta. Maria.
Ilalom sa EO, tanan nga mga residente, non-residents, establishments, ug uban pa ang direkta nga mo-obserba sa minimum health standards.
Bugtong mga accredited hotels ug accommodation establishments nga napakasar sa ebalwasyon sa Municipal Tourism Office, adunay LGU Safety Seal Team, ug Business Permit and Licensing Office ang tugutan lamang nag mag-operate.
Gidugang sab sa EO nga sa outdoor dine-in services, tugutan kini apan limitado lamang sa 30 percent sa kinatibuk-ang total venue capacity.
Gikanayong hugtanon sab nga idili ang Mass gatherings ug mamahimong pahamtangan ug multa ang mga makasupak sa ordinansa.
Ang mga residente sa Davao Occidental ang tugtan nga makasulod sa munisipalidad sa Malita basta kay transaksiyon ang limitado lamang sa mga mahinungdanon nga serbisyo ug pagpalit ug mahinungdanon nga butang.
Ang mag indibidwal nag nag-edad ug 18 anyos paubos ug 65 anyos kinahanglan nga magpabilin lamang sa panimalay gawas lamang kung mopalit ug panghinahanglanon ug motrabaho.
