DAVAO CITY – Malampuson nga napatuman sa Police Regional Office 11, ug sa uban pang mga mga miembro sa Task Group Site Davao ang tanan nga mga security measures ug protocols nga gipagawas niini alang sa malinawon, malampuson ug han-ay nga pagpahigayon sa inaugurasyon ni Vice President Sara Duterte-Carpio isip ika 15 nga Vice President sa Pilipinas sa San Pedro Square ning dakbayan.
Kahinumduma nga mipahigayon ug serye nga mga meetings ug panagtigom ang mga sakop sa Task Group Site Davao, sa pagpanguna ni Task Group (TG) Commander PMGEN FILMORE B ESCOBAL, Acting, Area Police Command-Eastern Mindanao (APC-EM) ug Assistant TG Commander PBGEN BENJAMIN H SILO, JR, Regional Director, Police Regional Office 11 aron masiguro ang kaluwasan ug seguridad ni Vice President Duterte-Carpio ug sa tanang mga mitambong sa inauguration.
Pipila sa mga malampuson nga kalihukan mao ang pagpahigayon ug misa sa San Pedro Church nga gipangunahan ni Davao Arch. Bishop Romulo Valles ug ang inauguration rite ni VP Sara Duterte nga gipahigayon ni Supreme Court Justice Ramon Paul L Hernando nga gisaksihan sa moabot sa 20 mil ka katawhan.
Malampuson usab ang Task Group Site Davao sa paghatag ug seguridad sa moabot sa 600 ka mga VIP nga naggikan sa lain-laing mga dapit latas sa tibuok kapupud-an.
