Gikumpirma sa Malakanyang nga gihisgutan na usab ang posibilidad sa pagpatuman sa P20 matag kilo nga bugas nga programa sa gobyerno alang sa Luzon ug Mindanao.
Kini gisunod sa nakatakdang paglusad sa P20 nga bugas ugmang adlawa sa rehiyon sa Visayas, partikular sa Cebu.
Matod ni Palace Press Officer Atty. Claire Castro, lakip sa mga angay iplastar mao ang sistema sa pag-apod-apod sa subsidiya sa mga lokal nga panggamhanan (LGU) nga moapil sa programa.
Gipasabot ni Castro nga mao kini ang rason nganong sa Visayas una ipatuman ang P20 per kilo nga bugas tungod dinhi unang nakakuha ang national government og kooperasyon gikan sa mga LGU kabahin sa ilahang kontribusyon sa subsidiya.
Sumala pa sa nahisgutan, dali ang pagsugot sa mga opisyal sa Visayas nga motabang aron mamahimong posible ang barato nga bugas alang sa katawhan.
Una ng gipahayag sa Palasyo nga buot ni Pangulong Marcos nga mamahimong abot-kaya ang presyo sa bugas ilabi na alang sa mga kabus ug marginalized nga sektor sa nasud.
