Malakanyang nagpaklaro nga dili National Holiday ang adlaw sa Jan. 27, apan Muslim holiday sa BARMM

Gipaklaro sa Malakanyang nga dili national holiday ang Enero 27, 2025, apan Muslim holiday sa Bangsamoro Autonomous Region in Muslim Mindanao (BARMM).

Kini ang giluwatang pamahayag ni Executive Secretary Lucas Bersamin.

Gihimo ni Bersamin ang pagpaklaro gumikan sa mikatag nga post sa social media nga gideklarang National Holiday karong adlawa.

Gipahayag pa niini nga ang mga kaigsuonan natong Muslim nga anaa sa ubang lugar susama sa National Capital Region nga dili holiday, ang exempted sa pagsulod sa trabaho.

Ang Enero 27 gihinumdum sa Muslim community ang Al Isra Wal Mi’raj 2025.

Kini ang usa ka sagradong kalihukan nga nagmarka sa milagrong pagsaka ni Prophet Muhammad padulong sa kalangitan.