Nagpahimangno ang Malacañang sa posibleng epekto sa “zero remittance week” nga giplano sa pipila ka mga grupo sa Overseas Filipino Workers (OFWs) nga misuporta ngadto kang kanhi Pangulong Rodrigo Duterte.
Matod pa ni Presidential Communications Undersecretary ug Palace Press Officer Claire Castro, nga kung mamahimo, kinahanglan sumala pa nga mahimong kalmado ang mga tawo, hilabi na sa maong mga isyu ug iyaha sab gibutyag nga dili lamang gobyerno ang maapektuhan kung mohunong na sumala pa sa pagpadala og kwarta ang OFWs, apan lakip na usab ang ilahang pamilya.
Dugang pa niini, nagsunod lamang sumala pa ang gobyerno sa balaod sa pagdakop ngadto kang FPRRD nga sa karun, kasamtangan kining nag-atubang og kaso sa International Criminal Court (ICC) gumikan sa gikaingong madugoong kampanya kontra droga.
