Gipasalig sa Malacañang nga dili gayud mo-atras ang administrasyong Marcos sa pagdepensa sa teritoryo sa nasud taliwala sa padayon nga agresibong lihok sa China sa West Philippine Sea.
Sumala ni Presidential Communications Office (PCO) ug Palace Press Officer Usec. Claire Castro, klaro ang direktiba ni Pangulong Ferdinand R. Marcos Jr. nga dili itahan sa Pilipinas bisan usa ka pulgada sa atoang teritoryo.
Dugang pa sa opisyal, gimanduan sa Presidente ang Department of National Defense (DND) nga palig-onon ug palapdan pa ang kapasidad sa armadong kusog aron madasig nga maprotektahan ang nasud batok sa lain-laing hulga.
Sumala ni Defense Secretary Gilbert Teodoro, tumong sa gobyerno nga usbon ang defense system sa Pilipinas ngadto sa usa ka multi-threat, multi-domain ecosystem aron masiguro ang kaluwasan ug seguridad sa nasud.
Gipalig-on usab sa administrasyon ang koordinasyon sa mga nasud nga susama og mga prinsipyo ug tumong aron mapadayon ang kalinaw, kalig-on, ug respeto sa soberanya sa rehiyon.
Bisan pa sa mga hagit, mibarog ang Malacañang nga magpabiling lig-on ug andam ang Pilipinas sa pagpanalipod sa iyang mga katungod ug teritoryo sa West Philippine Sea.
