Gipapas sa Malakanyang ang kabalaka sa mga Pilipino labot sa gikaingon nahurot na matud pa ang pundo sa gobyerno alang sa mga natigayong danyos ug biktima sa mga nakalabayng mga bagyo sa nasud.
Sumala pa ni PCO Secretary Cesar Chavez nga ginasiguro matud pa niini sa taga Department of Budget and Management (DBM) nga aduna matud pay pundo nga nakatagana alang sa maong mga panghitabo.
Dugang pa niini nga tinuod sumala pa nga nahurot na matud pa ang pundo sa Quick Response Fund (QRF) apan dili matud pang angay nga mabalaka ang katawhan, gumikan aduna matud pay nakaandam pa nga laing pundo aron nga mahulipan ang maong nahurot nga budget sa QRF.
Kahinumdumang, una nang gibutyag ni Pangulong Bongbong Marcos Jr., nga nahurot na matud pa ang pundo sa QRF alang unta sa mga nabiktima sa bagyo, gumikan matud pa sa sagunson sumala pa nga mga bagyo nga miigo sa nasud.
