Gibutyag sa Malakanyang nga dili matud pa niini, suportahan ang nahimong pagduso og impeachment complaint batok kang VP Sara Duterte.
Sumala pa ni Executive Secretary Lucas Bersamin, nga wala matud pay kalabutan ang buhatan sa Pangulo labot sa impeachment complain, gumikan tataw matud pa ang nahimong pamahayag ni Pangulong Bongbong Marcos nga dili matud pa kini angayang ipadayon, gumikan nagasayang lamang sumala pa kini og oras nga unta angay kining ihatag ngadto sa mga mas labawng mahinungdanong mga butang.
Lakip sab sa gipaklaro nga dili matud pa kini usa ka politically motivated gumikan dili kini suportado sumala pa sa gobyerno.
Gibutyag sab ni Bersamin nga ginasuguro sab karun sa Kamara nga iagi sab kini nila og saktong proseso.
Dugang pa niini, nga wala na matud pay angay nga ibutyag ang Office of the President labot niining maong isyu, gumikan human na sumala pa ang nahimong pamahayag ni Marcos, kabahin sa maong laraw nga impeachment ngadto kang VP Sara Duterte.
Samtang, gibatikos sab ni VP Sara ang nahimong lakang sa pipila ka mga indibidwal nga nagpaluyo sa maong impeachment complain. Gikanayon niini nga usa lamang matud pa kini ka pag-usik sa kwarta ang gihimong pag-file og impeachment complaint batok kaniya.
