Gipaabot sa Malacañang ang klaro nga mensahe ngadto sa House of Representatives human sa padayong pagsaway batok sa Executive Branch kalabot sa korapsyon ug pondo sa gobyerno.
Sa pahayag ni Executive Secretary Lucas Bersamin, gihagit niini ang Kamara nga unahon ang paglimpyo sa kaugalingong han-ay aron mahimong epektibo ang ilang panawagan alang sa reporma ug accountability.
Base sa Palasyo, dili mahimong seryoso ang bisan unsang imbestigasyon kung ang pinakadako nga tinubdan sa anomalya ug political theatrics nagagikan mismo sa Kongreso.
Ilang gibutyag nga ang paggamit sa budget process isip pamaagi sa pag-uyog sa Ehekutibo nagapakita lamang sa personal nga interes ug dili alang sa tinuod nga serbisyo publiko.
Dugang pa niini, nagpasidaan ang Palasyo nga dili kini magpailad sa mga giingong “spin” ug propaganda.
Ilang gihangyo ang publiko nga tan-awon dili lang ang pasangil sa gobyerno, apan apil usab ang responsibilidad sa mga mambabalaod nga pirmi mag-gamit og isyu aron tabunan ang kaugalingong kakulangan.
