DAVAO CITY – Mamahimo na karon nga mapahamtangan ug penalty ang mga indibidwal ingon man establisyemento dinhi sa dakbayan nga pakyas sa pagpatuman sa one- to two-meter physical distancing kini human nga napalabang na sa pinal nga pabasa ang “The Davao City Minimum Health Protocols for Covid-19 Ordinance” sa 19th City Council.
Kabahin sa maong ordinansa ang istrikto nga pagpatuman sa physical distancing sa mga pampublikong lugar sa siyudad partikular na gawas sa business establishments, markets, pharmacies, banks, remittance centers, medical quarantine facilities, private ug government offices ug uban pang institusyon nga gitugtan nga mag-operate ilalom sa community quarantine ingon man entry or exit points, checkpoints, roads o alleys sa mga barangay, subdivisions o villages.
Tanan sumala pa nga mga nanag-iya, presidente, general manager, o officer-in-charge sa nahisgutan nga mga areas ang gimandoan nga hugtanong ipatuman ang physical distancing aron nga dili mapahamtangan ug multa.
Sumala pa kang Konsehal Mary Joselle Villafuerte, sa mga establisyemento nga mapakyas, mag-atubang kini ug administrative fine nga P5,000 sa first ngadto na sa fifth offense, usa ka bulan nga suspension sa business permit sa second offense; three month suspension sa third offense; six month suspension sa fourth offense; ug one year suspension sa fifth offense.
Manubag sumala pa niini ang nanag-iya o high-ranking officials sa usa ka establisyemento.
Apan kung ang nakahimo ug salaod usa ka public officer o employee, pahamtangan kini ug administrative case pinasikad sa Local Government Code of 1991 o Civil Service laws, rules, and regulations.
Kung ang usa ka indibidwal ang madakpan nga makalapas sa distancing requirement, pahamtangan sab kini ug sanction pinaagi sa community service.
