Miduso kagahapon sa hapon og impeachment complaint ang mga sakop sa Makabayan Bloc, aron nga pap-haon sa pwesto si Vice President Sara Duterte.
Sumala pa ni ACT Teachers Partylist Rep. France Castro, nga anaa na matud pa sa 74 ka mga lideres gikan sa mga nagkadaiyang progresibong pundok ug mga concerned citizens ang miluwat sa ilahang mga signatories, alang sa ilahang impeachment complaint, diin kini maoy adunay kalabotan sa mga alegasyon nga corruption, misuse of confidential funds ni VP Sara.
Sa 74 ka mga complainants, 1/3 matud pa niini maoy gikan sa youth sector.
Gawas pa sa mga kabatan-unan, ang ubang signatories usab, nagagikan sa mga public school teachers, government employees, human rights victims, ug mga kanhing miyembro sa Kongreso.
Sumala pa sab ni Liza Maza, ang co-chairperson sa Makabayan ang pag-usik matud pa sa confidential funds, usa ka dakong pagtraydor matud pa sa nasud.
Samtang, matud pa ni Rep. France Castro, dako matud pa ang kumpyansang makab-ot niini ang 1/3rd vote gikan sa Kamara aron maduso ang impeachment complaint batok kay VP Sara Duterte.
Samtang sa laing bahin, gikanayon ni Senador Jinggoy Estrada, nga dili na matud pa makaya nga masingit pa sa Senado ang impeachment complaint, kung ugaling maaprobahan kini sa Kamara, gumikan sa ilahang mga ginahatagan og prayuridad nga mga plenary session sa senado.
