DAVAO CITY – Gipailalum na karon sa hugtanon nga imbestigasyon sa kapolisan sa San Pedro PNP sa pagpanguna ni police investigator PO3 Gerry Toblasan ang natigayon nga pagkalungkab sa recreation center o mas naila nga Almendras Gym sa Quimpo Boulevard, ning dakbayan sa Davao.
Nasayran nga igo na lamang nga nagpatala ang mga trabahante niini nga si sila si Evelyn Sy Nicolius, 50 anyos, menyo, ug utility sa nahisgutan nga gym, human nga iya na lamang nga nadiskobrehan nga nangawala na ang mga mahalon nga mga gadget gikan sa nahisgotan nga gym sama na lamang sa lap top, nga mikantidad ug singkwenta mil ka pesos, mga LCD projector, ug digital camera.
Nasayran nga sa paghiling sa nahisgutan nga trabahante, iya na lamang nga nadiskobrehan nga gilungkab ang buhatan sa City Sports nga nahimutang sa second floor sa Almendras Gym diin kalakip sa nakuha ang salaping cash nga mikantidad ug P116 mil ka pesos.
Gawas sa kwarta nakawat sab ang lain pang duha ka mga lap top nga mibalor ngadto sa traynta mil ka pesos.
Gumikan niini gipa-ilalum karon sa San Pedro PNP ang tanan nga mga trabahante sa finger print test aron nga masayran kung kinsa kanila ang mihimo sa krimin. Tumong niini nga masayran kung kinsa kanila ang nahilambigit sa nahisgutan nga gawas.
