DAVAO CITY – Bisan tuod nga padayon nga naka home quarantine ang mga magtutudlo sa Navarro National High School ingon man sa Talomo National High School gumikan kay adunay pipila sa mga nahisgutan ang na-expose sa mga indibidwal nga nagpositibo sa covid-19, nakahimo pa gihapon sila pag-abli sa klase kagahapong adlawa pinaagi sa online.
Sumala pa kang Jenielito dodong Atillo, tigpamaba sa Department of Education (DepEd) 11 wala nahimong babag sa mga magtutudlo sa maong tulonghaan nga makigkita sa ilang mga estudyante sa online.
Sa mga estudyante nga wala nahatagan ug modules mga soft copy lamang una ang gihatag sa mga nahisgutan pinaagi sa online.
Sumala pa kang Atillo nga gimandoan una ang mga magtutudlo sa maong tulonghaan nga dili una mo-report alang sa ilang kaluwasan ilabi na nga aduna pa gihapoy mga kaso sa covid-19 sa nahisgutan nga barangay.
