Hustisya karon ang gipangayo sa kabanay sa usa ka construction worker nga nabiktima sa hit and run kagabii sa Purok Mangahan, Barangay Sinawilan, Matanao, Davao Del Sur.
Subay sa report sa kapulisan, pasado alas sais kagabii nabanggaan ang biktima sa duha ka mga pick-up nga sakyanan.
Giila ang biktima nga si Felix Otida Culango Jr., 39 anyos, residente sa Purok 5A, Barangay Mabuhay, Bansalan, Davao Del Sur.
Sa imbistigasyon a kapulisan, namalit sumala pa og balut ang magtiayon daplin sa karsada ug sa dihang mitabok sumala pa ang mga nahisgutan, kalit nga nabanggaan ang biktima sa naghaguros nga Pick-up truck nga gikan sa Digos City ug padulong kini sa Bansalan, Davao del Sur.
Samtang tungod sa kakusog sa pagkabangga nalagpot ng biktima padulong pikas linya sa karsada nga hinungdan nga nabanggaan na usab kini ug laing pick-up.
Samtang ang duha ka mga sakyanan sumala pa ang nagpadayon lamang a ilahang kusog nga pagpadagan.
Dali nga gitabang ang biktima ug gidala sa Viacruses Hospital sa Bansalan apan gideklara kini sa doctor nga dead on arrival.
Sa karon ang kapulisan padayon sa pagpangita sa mga sakyanan ug pagsubay sa mga karsada kabahin sa mga gimontar nga CCTV sa maong lugar.
Maayu na lamang nga wala nadamay atol sa maong panghitabo ang asawa sa biktima nga hilabihan ang pagbangutan karong panahuna.
Gipanawagan usab karon sa mga otoridad ngadto sa mga drayber sa duha ka mga sakyanan nga mosurender na lamang sa kapulisan.
