-- ADVERTISEMENT --
DAVAO CITY – Nadakpan sa Buhangin Police ang 22 anyos nga si alyas Bryan ug ang 18 anyos nga si alyas April nga sumala pa mikawat ug P160 mil ka pesos gikan sa ilang agalon nga si Abednizar Sullano.
Maglive-in partner ang duha nga stay-in nga mga kasambahay ug caretaker sa biktima.
Sa imbestigasyon sa Buhangin PNP midangop si Sullano sa ilang buhatan sa pagkawala sa iyang dakung kantidad sa salapi niining nakalabay nga Martes.
Sa operasyon sa Buhangin PNP sa Barangay Bato, Sta. Cross, Davao del Sur nadakpan ang duha mga alas 8:30 kagabi.
Sa P160 mil ka pesos naka-recover na lamang ang mga police ug P97,239 ka pesos na lamang ang nabawi gikan sa mga suspek gumikan kay gipalit na sumala pa nila ug bugas ug cellphone.
-- ADVERTISEMENT --
