Nakabsan sa kinabuhi ang duha ka mga indibidwal nga gikaingong managtrato, human nga madisgrasya kini sa motor sa Digos-Sarangani Coastal Road, Barangay Bagumbayan, Malalag, Davao del Sur niadtong nakalabayng adlaw pasado alas 10 ang takna sa buntag.
Subay sa imbestigasyon sa mga otoridad, naglawig matud pa gikan sa Kidapawan City, North Cotabato padulong sa Elymar’s Beach Resort sa Basiawan, Sta. Maria, Davao Occidental, uban ang 12 sumala pa ka mga riders, diin misulay kini og overtake ang maong motor nga gidrayban sa biktima ngadto sa ubang riders sa kurbadang bahin nga dalan, nga maoy hinungdan nga nawad-an kini og kontrol ug mibangga kini ngadto sa walang bahin sa usa ka bus.
Gumikan sa kusog nga pagkabangga, nalagpot sa ilawom sa bus ang angkas sa motorsiklo nga maoy miresulta sa hinanaling kamatayon niini.
Samtang ang driver usab, maoy nalagpt sa walang bahin sa kalsada. Dali sab nga miresponde ang mga sakop sa Malalag Municipal Disaster Risk Reduction Office (MDRRO) ngadto sa mga biktima, apan gideklara na kining dead on arrival.
Sa karon, gikustodiya na ang bus driver nga anaa sa Malalag Municipal Police Station alang sa tukmang disposisyon.
