DAVAO CITY – Padayong gipangita sa kapulisan ang usa ka lalaki nga nitigbas-patay sa usa ka mag-uuma sa Sta Cruz, Davao del Sur.
Una niana, pasado alas 11 sa gabie dihang nagpakitabang sa kapulisan ang usa ka concerned citizen labot sa nahitabong pagpanigbas sa Prk Biyo, Sitio Ragubrob, Brgy. Saliducon, Sta. Cruz, Davao del Sur.
Subay sa imbestigasyon sa kapulisan, pasado alas 7 sa susamang gabie nagkalalis ang biktima nga giilang si Sabello Sicuya Manico Jr, male, 37 anyos nga mag-uuma kinsa miny nga residente sa Prk. Biyo, Sitio Ragubrob, Brgy. Saliducon, Sta Cruz, Davao del Sur ug ang suspek nga giilang si Arvin Verallo Manico, 25 anyos nga residente sa susamang dapit.
Nagresulta ang init nga panaglantugi sa duha sa pagpanigbas ni Arvin ngadto kang Sabello.
Gilayon nga nisibat ang suspek samtang ang biktima daling gidala sa Davao Sur Provincial Hospital sa Digos City diin gideklara kining dead on arrival sa attending physician.
Nakuha sa crime scene ang usa ka sundang nga dunay gitas-ong 20 ka pulgada.
