DAVAOI CITY – Padayon karun nga gi-obserbahan ang usa ka 55 anyos nga mag-uuma kinsa nabutgan sumala pa sa eksplosibo samtang anaa kini sa iyang umahan sa Purok 8, Barangay Paloc, Maragusan, Davao De Oro.
Kahinumduman nga samad sa iyang kalawasan ang naangkon sa biktima nga nailang si Antonio Legaspe Felisilda, residente sa nahisgutan nga barangay.
Sa ulahing imbestigasyon sa kapulisan, samtang nagkubkob ug yuta ang biktima gamit ang bara arun nga mananom ug luy-a, kalit na lamang sumala pa nga adunay mibusikad. Wala pa matino sa kapulisan kung unsa nga klase sa eksplusibo ang mibusikad.
Dali sab kini nga gidala sa Davao de Oro Provincial Hospital sa Maragusan arun nga masubay ang iyang kondisyon. Gipalawman pa sab karon sa mga sakop sa Davao de Oro Explosives and Ordnance Disposal Team ang pagpanubay sa nahisgutan nga insidente.
Kahinumduman nga adunay pipila ka mga lugar sa Davao de Oro ang kanhi gikotahan sa mga rebelde nga sagad nagapananom ug mga landmine.
