DAVAO CITY – Walay undang ang mga sakop sa kapulisan sa pahimangno nga likayan una ang pagtapok-tapok gumikan kay usa kini sa mamahimong gigikanan sa virus.
Kahinumduman nga anaa sa pito ka mga indibidwal ang nasikop human nga nagsabong ang mga nahisgutan.
Gilusad ang operasyon sa mga personahe sa Calinan Police Station ug 1105th RMFB 11.
Akto nga nadakpan ang mga nahisgutan nga nagsabong sa usa ka open area sa banana plantation nga nahimutang sa Purok 6, Brgy Tamayong, Calinan, Davao City kagahapon.
Una ng naila ang mga dinakpan nga sila si Police Major Jake Goles nga silas Rolly Magbanua 29 anyos, Sixto Francisco 56 anyos, Elmer Capilitan 41 anyos, Dionisio Sarita 50 anyos, Juanito Olfanto 70 anyos, Richard Gonzales 50 anyos ug Edwin Marikit 49 anyos.
Narekober gikan sa mga nahisgutan nag unom ka mga manok pansabong, unom ka mga gaffs ug cash nga 1,950 pesos.
Susama karon nga gipangpaslak sa presohan ang mga dinakpan samtang gi-andam na sab ang kaso nga iduso batok kanila.
