Gipasabot sa Civil Service Commission ang mga empleyado sa gobyerno ang pagdili sa partisipasyon sa partisanong politikal nga kalihokan nga kini makita sa Administrative Code of 1987, Omnibus Election Code, ug Local Government Code
Subay sa gipagawas nga bag-ong memorandum sa CSC nga nagdili sa mga opisyal ug empleyado sa gobyerno sa pag-apil sa partisanong aktibidad politikal sa social media, lakip na ang pagshare, pag-like, ug uban pang kalihokan sa mga post sa social media atol sa kampanya ug alang sa umaabot nga pinili-ay karong Mayo 12, 2025.
Ang Memorandum Circular 3-2025, nga gitawag og “Pahimangno nga Dili Angay Moapil sa Partisanong Politikal nga mga Kalihokan Atol sa Kampanya sa 2025 Midterm Elections,” nga nakalatid sa 1987 Konstitusyon ug uban pang balaod.
Sumala sa 1987 Konstitusyon, “Walay opisyal o empleyado sa civil service ang mahimong moapil, direkta man o dili direkta, sa bisan unsang electioneering o partisan nga political campaign.
Samtang “Walay miyembro sa military ang mahimong moapil, direkta man o dili direkta, sa bisan unsang partisanong politikal nga kalihokan gawas lang sa pagboto.”
Ang mga makalapas sa nasampit nga balaod mamahimong suspendihon sulod sa usa ka bulan hangtod unom ka buwan sa unang kalapasan, ug mamahimong matanggal sa serbisyo kung makalapas pag-usab.
