Gipahibalo ni Sec.Juanito Victor ‘Jonvic’ Remulla nga hugot nang ibawal ang pag-inom og ilimnong makahugbog sa mga karsada o daplin sa dalan.
Sumala kaniya, kini kasagaran maoy hinungdan sa mga away sa karsada ug bisan sa mga insidente sa sexual harassment batok sa kababayen-an.
Gimandoan sa opisyal ang kapulisan ug ang mga otoridad sa lokal nga gobyerno nga dakpon ang bisan kinsa nga molapas niini nga polisiya isip kabahin sa Anti-Public Intoxication Act.
Samtang, gipaklaro ni Remulla nga walay problema kung ang pag-inom mahitabo sulod sa panimalay, basta dili lamang kini buhaton sa mga pampublikong lugar sama sa mga karsada o mga kadalanan.
Magpatuman usab ang Department of the Interior and Local Government og mas hugot nga curfew alang sa mga kabatan-unan.
Samtang ibawal usab ang dili pagsul-ob og t-shirt sa mga pampublikong lugar ug paggamit sa videoke human alas-10 sa gabii, gawas kon fiesta o adunay permit ang okasyon.
