-- ADVERTISEMENT --
DAVAO CITY – Balhog sa prisohan ang magsuon human nga nadakpan kini sa gilusad nga drug buybust operation sa mga operatiba sa Sta.Ana PNP ubos sa kamanduan ni PMaj.Benkalin Baluan, Station Commander pasado alas 10:00 sa gabii sa Prk.8, Riverbed, Brgy.22-C Piapi, Quezon Blvd ning dakbayan sa dabaw.
Ang mga dinakpan naila nga sila Bobong Lumpayao, 41-anyos, usa ka panday ug si Lang-Lang Lumpayao, 31-anyos, usa ka laborer nga mga residente sa nahisgtang lugar.
Nakumpiska sa mga dinakpan ang tulo ka mga dagkong pakete sa iligal nga druga kon shabu nga dunay street value nga mukabat sa P72,000.
Kasong paglapas sa RA 9165 ang atubangon sa mga dinakpan.
