DAVAO CITY – Giawhag sa City Social Welfare and Development Office ang mga Dabawenyo nga mag-igmat aron malikayan ang mga kalamidad nga binuhat sa tawo sama sa sunog aron maluwas ang tibuok komunidad ilabi na karung panahon sa pandemya. Gikanayon ni Gina Molon, CSWDO District Head sa Poblacion B, nga siguruhong dapat luwas ang balay gikan sa mga butang nga makakuha ug kalayo sama sa mga kabalayang gama sa mga flammable ug combustible nga mga materyales. Gisugyot kini human sa sunod-sunod nga mga insidente sa sunog sa Barangay 23-B ug Barangay 31, pipila na ka mga simana ang minglabay. Nagapadayon ang CSWDO sa paghatag ug cash assitances alang sa mga pamilyang apektado sa mga minglabay na sunog aron subli nang makabalik pagtukod sa ilang mga pinuy-anan. Dungag sab sa opisyal nga importante ang pag-likay sa sunog aron wala nay kagamitan ug kinabuhi nga makabsan. Dungag pa sa opisyal, ang kalayo, pwede makontrol ug maagapan susama sa mga natural disasters.
By BOMBO LJ FLORENDO
