Giandam na sa usa ka magtutudlo ang pagpasang-at og kaso batok sa usa ka Grade 11 nga estudyante nga misumbag kaniya human kini wala makadawat og perfect score sa midterm exam.
Nahitabo ang insidente niadtong Agosto 5 sa usa ka pribadong eskuylahan sa Uthai Thani.
Sumala pa nga giingnan kini sa maestra nga dili mamahimong i-perfect ang score niini gumikan wala nagpakita ang estudyante og sakto usab nga mga answers, rason nga nasuko kini, diin gisipaan ang lamesa ug mibalik human sa 10 minutos ug mimando kini sa maestra nga kinahanglang magsorry kini ngadto kaniya.
Apan sa dihang gitubag kini sa maestra nga, “Si kinsa man dapat diay ang mangayo og pasaylo?”, gilayong gilumbagan na dayon ang magtutudlo sa atubangan sa iyahang mga classmates.
Ang maong maestra, nakaangon og bun-og sa nawong.
Samtang ang estudyante gilayong gisuspended na ug gimanduan nga kinahanglang mobiya na kini sa eskuylahan.
