Gibutyag ni kanhing Iloilo Mayor Jed Patrick Mabilog sa House Quad Committee ang laraw sumala pa nga akusahan nga nalambigit sa iligal nga droga sila kanhing mga senador nga sila Mar Roxas ug Franklin Drilon niadtong panahon sa administrasyong Duterte.
Human sumala pa sa iyang pito ka tuig niining na self-imposed exile sa Amerika, mitestigo kini kabahin sa iyahang ginakaatubang nga political pressure human nga nahilakip kini sa listahan sa narco list ni kanhing Pangulong Rodrigo Duterte.
Gipangutana usab matud pa kini ni Rep. Joseph Paduano si Mabilog, hinungdan nga gibulgar kini sa kanhing mayor sa Iloilo ang kabahin sa laraw nga akusahan nga nalambigit sa iligal nga droga ang duha ka mga kanhing senador.
Gatuo sab si Mabilog nga pulitika ang hinungdan kung nganong nahilakip ang iyang ngalan sa narco list nga ginabitbit ni kanhing Pangulong Digong.
Gihimakak sab ni Mabilog nga nalambigit kini sa illegal drug trade ug dili usab siya protektor sa mga illegal activities kabahin sa droga.
Nahimong emosyonal kini sa dihang iyahang gipadayag ang iyahang kabahin nga sumala pa niini pito katuig kining nag-antus sa nasinatiang political pressure, nakahiagum kinig trauma ug kahadlok gumikan sa mga nadawatang hulga sa kinabuhi.
