Gikanayon sa taga Depatment of Public Works and Highways (DPWH) Davao Region, nga target sumala pa niini nga mahuman ang Maa Flyover karung tuig 2027, bisan pa man sa mga nasinatian niining mga isyu sa proyekto hilabi na ang Road Right of Way (RROW).
Matud pa ni Dean Ortiz, ang tigpamaba sa DPWH- Davao, target matud nga makompleto ang flyover mao ang unang quarter sa 2026 alang sa paggamit sa mga nagkadaiyang sakyana, apan alang sa kinatibuk-ang proyekto, ginalaumang mahuman kini sa 2027, ayha mahuman ang termino ni Pangulong Bongbong Marcos Jr.
Lakip sab sa gisaysay niini mao ang pipila ka mga hinungdan og nganong nadugay sab sumala pa ang ilahang konstruksiyon, gumikan sa mga pagbalhin matud pa sa mga poste sa telecomminication, diin maoy ilahang ginalantaw nga maoy usa sa hinungdan og nganong nadelatar ang ilahang trabaho.
Hinuon, gipasali ni Ortiz, nga pipila sa mga gikinahanglan sa maong istruktura, nakuha na, diin kasamtangan na sab nga ginabuhat sab niini ang ika-11 nga pier sa maong flyover.
Sa karun, anaa na matud pa sa upa ka lanes ang mamahimong magamit alang sa trapiko, samtang nagapadayon ang ilahang trabaho.
