Gikondena sa Lumad rights group ang pagpatay kang Datu Kaylo Bontolan, usa ka community leader nga napatay sumala pa atol samilitary encounter sa Sitio Ngaran, Barangay Kipilas, Kitaotao sa Bukidnon.
Sumala pa kang Jong Monzon, secretary general sa Pasaka Confederation of Lumad Organization sa Southern Mindanao, nga ang mga lumad leaders sa Salugpongan Ta Tanu Igkanugon sa Talaingod ang nagpadayag sa ilang kasubo human ang kamatayon ni Datu Bontolan, council member ug deputy secretary general sa Pasaka.
Sumala ni Monzon nga nagpahigayon lamang si Bontolan ug pagpanubay sa kondisyon sa mga Manobo evacuees, nga namakwit gikan sa ilang mga balay sa Talaingod Davao del Norte gumikan sa gikanayong military operations ug bombings, dihang kalit nga miulbo ang engkuwentro tali sa New People’s Army (NPA) ug tropa sa kagamhanan nga maoy hinungdan nga napagan kini ug namatay.
Samtang gibutyag ni Lt. Col. Ezra L. Balagtey, EastMinCom spokesperson, nga ang tropa sa 3rd Infantry Battalion Philippine Army ang nagpahigayon ug validation sa ilang nadawat nga impormasyon kalabot sa presensiya sa armadong grupo dihang miulbo ang engkuwentro tali nila sa NPA.
