DAVAO CITY – Lauman nga mas lu-ag ang mga sumbanan nga ipatuman sa lokal nga kagamhanan human nga kalakip karon ang dakbayan sa Davao sa mga lugar sa nasud nga gipailalom na karon sa Alert level 1 sugod sa Marso 1 hangtud 15, 2022.
Kahinumduman nga una ng gi-aprubahan sa Inter agency task force (IATF) kagahapong adlawa ang nahisgutan nga alert level sa pipila ka mga lugar sa nasud.
Hinuon nagpabilin sa alert level 2 ang  uban nga lugar sa Davao region sama sa Davao De Oro, Davao Del Sur, Davao Del Norte, Davao Oriental ug Davao Occidental.
Lauman nga mas lu-ag na ang restrictions sa siyudad diin itugot na ang Intrazonal ug interzonal travel ug tugutan na ang mag-operate ang tanan nga mga establisyemento. Â
Apan luyo niini nagpahimangno pa gihapon ang mga hingtungdan nga ahensiya sa kagamhanan nga dili pa gihapon  mokumpiyansa sanglit posibleng masinatian na sab ang pagsaka sa kaso sa higayon nga magpasagad.
Kahinumduman nga gawas sa dakbayan sa Davao, gipailalom sab karon sa alert level 1 ang NCR ug laing 38 pa ka mga dapit sa nasud.
